Mesurau deilliannau dysgwyr ar gyfer prentisiaethau a dysgu oedolion: Awst 2022 i Orffennaf 2023

Prentisiaethau

• Roedd cyfradd lwyddiant prentisiaethau yn 72% yn 2022/23. Mae hyn yn gynnydd o 5 pwynt canran o'i gymharu â 2021/22 ond yn is na'r lefelau a welwyd cyn y pandemig.
• Y gyfradd lwyddiant ar gyfer prentisiaethau lefel sylfaen a ddangosodd yr adferiad cryfaf, gan gynyddu o 61% i 72%. 
• Ni chafwyd adferiad yn y gyfradd lwyddiant ar gyfer prentisiaethau uwch.
• Yr hyn a oedd wrth wraidd y diffyg cynnydd yng nghyfradd lwyddiant y prentisiaethau uwch oedd gostyngiad o 8% yn y gyfradd lwyddiant ar gyfer Iechyd, Gwasanaethau Cyhoeddus a Gofal, a oedd yn gwrthbwyso cynnydd o 2% ar draws meysydd pwnc eraill.
• Roedd cynnydd mawr yn y gyfradd lwyddiant gyffredinol yn 2022/23 o'i gymharu â 2021/22 ym meysydd pwnc Technoleg Gwybodaeth a Chyfathrebu, a'r sector Gwallt a Harddwch.
• Roedd dysgwyr a oedd yn gymwys i gael Prydau Ysgol am Ddim yn yr ysgol uwchradd 9 pwynt canran yn llai tebygol o fod yn llwyddiannus yn eu prentisiaethau o’u cymharu â dysgwyr nad oeddent yn gymwys.
• Roedd cyfraddau llwyddiant rhwng gwahanol feysydd pwnc sectorau'n amrywio o 63% ar gyfer Lletygarwch ac Arlwyo i 87% ar gyfer y Celfyddydau, y Cyfryngau a Chyhoeddi. Mae amrywioldeb cyfraddau llwyddiant rhwng gwahanol feysydd pwnc sectorau'n parhau i fod yn uwch na'r lefelau cyn y pandemig.

Dysgu oedolion

• Roedd cyfradd llwyddiant cyrsiau dysgu oedolion yn 84% 2022/23, cynnydd o 3 phwynt canran o gymharu â 2021/22.
• Roedd cynnydd o 45% yn nifer y gweithgareddau dysgu asesadwy a ddarparwyd yn uniongyrchol gan awdurdodau lleol yn 2022/23 o'i gymharu â 2021/22, tra bod cyfradd llwyddiant y gweithgareddau hyn wedi gostwng 3%.
• Addysg a Hyfforddiant, Saesneg i Siaradwyr Ieithoedd Eraill a Gwyddoniaeth a Mathemateg welodd y cynnydd mwyaf yn eu cyfraddau llwyddiant yn 2022/23 o'i gymharu â 2021/22.

Nodiadau

Ni chynhyrchwyd y mesurau canlyniadau safonol ym mlynyddoedd academaidd 2019/20 a 2020/21 oherwydd y pandemig. Cyhoeddwyd adroddiadau arbennig ar Deilliannau dysgwyr mewn addysg ôl-16 a effeithiwyd gan bandemig y coronafeirws (COVID-19).