Masnach nwyddau rhyngwladol Cymreig: Ionawr i Rhagfyr 2025 (prif ddata)

Mae'r data yn yr adroddiad hwn yn amcangyfrifon dros dro ar gyfer Ionawr i Rhagfyr 2025 gyda diwygiadau data yn ôl i Chwarter 1 2024. Mae cywiriadau sylweddol heb eu trefnu wedi'u cymhwyso i'r data, gan gynyddu gwerthoedd allforio a chyfeintiau 'Olew' a 'Nwy' a gyhoeddwyd yn flaenorol, sydd yn ei dro wedi cynyddu cyfanswm allforion a chyfanswm masnach. Bydd data yn cael ei adolygu'n rheolaidd dros y 18 mis nesaf i gyfrif am ffurflenni hwyr.

Mae'r data yn cwmpasu gwerth (mewn prisiau cyfredol) a chyfaint allforion a mewnforion nwyddau. 

Mae'n bwysig ystyried effaith digwyddiadau economaidd byd-eang ar werth masnach yn ogystal â phwysau chwyddiant sy'n gwthio prisiau cyfredol cynhyrchion i fyny.

Yn ein hymgynghoriad diweddar ar allbynnau ystadegol, cynigiom stopio gyhoeddi adroddiad blynyddol Masnach nwyddau rhyngwladol Cymreig (ond parhau gyda'r crynodeb chwarterol byr o bwyntiau allweddol i Gymru). Felly, rydym wedi cymryd seibiant o gyhoeddi'r datganiad blynyddol tra byddwn yn dadansoddi'r ymatebion i'r ymgynghoriad. Gall defnyddwyr barhau i gyrchu’r data mwyaf cywir ac amserol (sy'n ymgorffori pob diwygiad) trwy'r penawdau chwarterol a'r dangosfwrdd rhyngweithiol.