Byddwch yn barod i gofrestru eich llety ymwelwyr yng Nghymru
Mae'r gyfraith yn newid, gwnewch yn siŵr eich bod yn barod
O fis Hydref 2026, mae’n rhaid i unrhyw un sy'n cymryd archebion am arosiadau dros nos yng Nghymru gofrestru gydag Awdurdod Cyllid Cymru (ACC) yn ôl y gyfraith.
Bydd y gofrestr llety ymwelwyr yn rhoi darlun cliriach o'r sector twristiaeth ledled Cymru.
Mae'n berthnasol i bob darparwr, o westeiwyr anffurfiol i weithredwyr proffesiynol. Mae hyn yn cynnwys cynnig llety am un noson, yn dymhorol neu drwy gydol y flwyddyn.
Mae cofrestru’n rhad ac am ddim, a bydd y rhan fwyaf o bobl yn gallu gwneud hyn mewn llai na chwarter awr.
Yr wybodaeth ddiweddaraf
Cofrestrwch nawr i dderbyn diweddariadau a nodiadau atgoffa ynglŷn â phryd y bydd cofrestru'n agor.
Sut i baratoi ar gyfer cofrestru
Bydd cofrestru'n agor ym mis Hydref 2026.
Bydd angen i chi fewngofnodi gan ddefnyddio One Login GOV.UK . Gallwch greu cyfrif One Login GOV.UK cyn i gofrestru agor.
Pan fyddwch yn cofrestru, bydd angen i chi roi:
- manylion cyswllt, fel er enghraifft:
- enw
- cyfeiriad
- rhif ffôn
- cyfeiriad e-bost
- dyddiad geni
- cwmni neu rif elusen (os yn berthnasol)
- enw masnachu (os yn berthnasol)
- mathau o lety rydych yn eu cynnig
- enw a chyfeiriad yr eiddo lle mae'r llety
- pryd mae’r llety ar agor ar gyfer archebion fel arfer
- nifer yr unedau y gellir eu harchebu
- y nifer mwyaf o bobl sy'n gallu aros