Vaughan Gething AS Gweinidog yr Economi

Cafodd Vaughan ei eni yn Zambia a'i fagu yn Dorset. Addysgwyd ef ym mhrifysgolion Aberystwyth a Chaerdydd. Mae ganddo un mab gyda'i wraig, Michelle ac mae'n gricedwr sydd wedi ymddeol i raddau helaeth ac sydd hefyd yn gefnogwr o rygbi a phêl-droed.

Roedd Vaughan yn gyfreithiwr ac yn gyn-bartner yn Thompsons. Mae'n aelod o undebau GMB, UNSAIN ac Unite, ac ef oedd Llywydd ieuengaf erioed TUC Cymru. Yn y gorffennol mae wedi gwasanaethu fel cynghorydd sir, llywodraethwr ysgol a gwirfoddolwr gwasanaeth cymunedol - gan gefnogi a gofalu am fyfyriwr â pharlys yr ymennydd. Mae Vaughan hefyd yn gyn-lywydd UCM Cymru.

Rhwng 1999 a 2001, bu Vaughan yn gweithio fel ymchwilydd i gyn ACau Val Feld a Lorraine Barrett a rhwng 2001 a 2003, roedd yn gadeirydd Hawl i Bleidleisio - prosiect trawsbleidiol i annog mwy o gyfranogiad gan gymunedau ethnig lleiafrifoedd du ym mywyd cyhoeddus Cymru. Mae hefyd yn aelod cyfredol o'r Blaid Gydweithredol.

Mae Vaughan wedi dal y rolau canlynol yn y Llywodraeth, cyn ymgymryd â'i rôl bresennol fel Gweinidog yr Economi ym mis Mai 2021:

• Ysgrifennydd y Cabinet / Gweinidog Iechyd a Gwasanaethau Cymdeithasol Mai 2016 i Mai 2021
• Dirprwy Weinidog Iechyd Medi 2014 i Mai 2016
• Dirprwy Weinidog Threchu Tlodi Mehefin 2013 i Medi 2014

• Darparu cymorth a chyngor i helpu busnesau i sefydlu, tyfu, neu ddatblygu (gan gynnwys cymorth allforio)
• Cefnogaeth ar gyfer Mewnfuddsoddi
• Polisi Masnach Ryngwladol , gan gynnwys cydlynu materion yn ymwneud â’r Cytundeb Masnach a Chydweithredu rhwng y DU a’r UE
• Entrepreneuriaeth, menter a gwybodaeth fusnes
• Banc Datblygu Cymru
• Banc Cymunedol
• Paneli Cynghori Economaidd
• Cyngor Datblygu'r Economi a'r Grŵp Strategaeth Partneriaeth Gymdeithasol
• Hyrwyddo Cymru fel lleoliad i wneud busnes ac i fuddsoddi ynddo
• Polisi ar borthladdoedd, gan gynnwys porthladdoedd rhydd
• Bargeinion Dinesig Caerdydd a Bae Abertawe
• Bargeinion Twf Canolbarth Cymru a Gogledd Cymru
• Rheoli asedau eiddo dan berchnogaeth Llywodraeth Cymru sy'n ymwneud â datblygu economaidd
• Gwasanaethau sgiliau busnes a datblygu busnes
• Polisi Gyrfaoedd a noddi Careers Choices Dewis Gyrfa (CCDG)
• Polisi ar brentisiaethau, a chyflenwi hynny
• Polisi ar gyflogadwyedd ieuenctid ac oedolion, a chyflenwi'r polisi
• Darparwyr dysgu seiliedig ar waith
• Sgiliau sector
• Datblygu sgiliau'r gweithlu
• Mudo
• Gweithio o bell
• Rhaglenni Ewropeaidd mewn perthynas â sgiliau a chyflogaeth
• Partneriaeth Sgiliau Rhanbarthol
• Safonau Galwedigaethol Cenedlaethol
• Fframwaith rheoleiddio ar gyfer arferion busnes cyfrifol, twf a chystadleurwydd
• Yr Economi Sylfaenol
• Menter Gymdeithasol a'r economi gymdeithasol
• Economi gydweithredol
• Gwyddoniaeth: datblygu polisi gwyddoniaeth, gan gynnwys cyswllt o ddydd i ddydd â Phrif Gynghorydd Gwyddonol Cymru a'r Academi Wyddoniaeth Genedlaethol
• Gwyddorau Bywyd
• Ymchwil ac Arloesi, gan gynnwys ymchwil a datblygu, trosglwyddo gwybodaeth a masnacheiddio; manteisio i’r eithaf ar incwm ymchwil ac arloesi; a Chanolfannau Rhagoriaeth Ymchwil
• Seilwaith cysylltedd digidol, gan gynnwys Cydgasglu Band Eang y Sector Cyhoeddus, band eang cyflym a'r rhwydwaith symudol
• Polisi a Strategaeth Ddigidol a Pholisi a Strategaeth Data Trawslywodraethol
• Digwyddiadau Mawr
• Diwylliant, creadigrwydd a’r celfyddydau, gan gynnwys Cymru Greadigol
• Polisi darlledu
• Noddi Cyngor Celfyddydau Cymru, a'i gylch gwaith
• Twristiaeth yng Nghymru ac i Gymru
• Lletygarwch
• Amgylchedd hanesyddol Cymru
• CADW a Chomisiwn Brenhinol Henebion Cymru
• Amgueddfeydd ac Orielau Cenedlaethol Cymru
• Amgueddfeydd a chasgliadau lleol
• Llyfrgell Genedlaethol Cymru
• Deddfwriaeth ar eiddo diwylliannol a chynlluniau rhyddhad trethi nad ydynt wedi’u datganoli
• Datblygu Archif Genedlaethol Cymru
• Gardd Fotaneg Genedlaethol Cymru
• Chwaraeon Elît
• Chwaraeon cymunedol, gweithgareddau corfforol a gweithgareddau hamdden egnïol yng Nghymru, gan gynnwys noddi Cyngor
• Chwaraeon Cymru
• Rhaglen a Thasglu'r Cymoedd
• Materion trawsbynciol yn ymwneud â’r UE
• Cronfeydd Strwythurol yr UE ar gyfer 2014-2020
• Y Gronfa Ffyniant Gyffredin / Cronfa Adfywio Cymunedol
• Prif Chwip y Llywodraeth (Dirprwy Weinidog y Celfyddydau a Chwaraeon, a’r Prif Chwip)