Ardoll Ymwelwyr: canllawiau i ddarparwyr llety ymwelwyr  

O 1 Ebrill 2027, gellir cyflwyno ardoll ymwelwyr mewn rhannau o Gymru. Mae Awdurdod Cyllid Cymru (ACC) yn casglu ac yn rheoli'r ardoll ar gyfer Llywodraeth Cymru.   

Mae’r ardoll yn:  

• berthnasol i ardaloedd lle mae'r cyngor lleol yn ei chyflwyno yn unig
• perthnasol os ydych chi'n derbyn archebion am arhosiad dros nos 
• perthnasol i ymwelwyr o unrhyw le yn y byd, gan gynnwys Cymru a'r DU 
• cael ei thalu i Awdurdod Cyllid Cymru  

Cofrestru eich llety ymwelwyr  

Hyd yn oed os nad yw'ch cyngor lleol yn cyflwyno'r Ardoll Ymwelwyr, rhaid i chi gofrestru eich llety ymwelwyr yn ôl y gyfraith o hydref 2026 ymlaen.

Gallwch gofrestru i gael diweddariadau am gofrestru ac am yr Ardoll Ymwelwyr.  

Sut y bydd cynghorau’n defnyddio'r arian   

Bydd yr arian a godir o'r Ardoll Ymwelwyr yn cael ei ddefnyddio i wella cyfleusterau twristiaeth lleol, gan gynnwys:   

• trafnidiaeth gyhoeddus 
• traethau, strydoedd a mannau gwyrdd 
• canolfannau ymwelwyr a safleoedd treftadaeth 
• atyniadau naturiol a diwylliannol 
• llwybrau troed a thoiledau cyhoeddus 
• hyrwyddo'r Gymraeg  

O 1 Ebrill 2027, rhaid i chi dalu'r ardoll os:  

• yw eich llety mewn ardal lle mae'r cyngor lleol yn ei chyflwyno 
• yw unrhyw un o'r archebion rydych chi'n eu derbyn ar gyfer 31 noson neu lai 
• rydych yn derbyn archebion am arhosiad dros nos mewn llety, megis: 
  • llety hunanarlwyo a mewn cartrefi (gan gynnwys Airbnb neu debyg) 
  • gwestai, tai llety neu wely a brecwast 
  • safleoedd neu leiniau gwersylla 
  • hosteli neu dai bync 
  • carafannau, chalets, cabanau, cytiau bugail, safleoedd glampio neu debyg 
  • llety dros dro ar gyfer digwyddiadau, fel gwyliau

Cyn i'r ardoll ddechrau, bydd eich cyngor lleol yn:  

• cynnal ymgynghoriad ynglŷn â'i chyflwyno yn yr ardal honno 
• cyhoeddi adroddiad am eu cynigion 
• cyhoeddi’r dyddiad y bydd yr ardoll yn cael ei chyflwyno

Gallwch gofrestru i gael diweddariadau am gofrestru ac am yr Ardoll Ymwelwyr.   

Bydd ond angen i chi dalu’r ardoll ond ydych chi mewn ardal lle mae'r cyngor lleol yn ei chyflwyno.  

Nid oes rhaid i chi dalu'r ardoll os yw'r arhosiad dros nos ar gyfer rhywun sydd:  

• dan 18 oed ac yn aros ar safle gwersylla neu mewn ystafell a rennir (fel hostel) 
• aros mwy na 31 noson o fewn un archeb 
• aros mewn llety brys neu dros dro a drefnir gan y cyngor lleol

Darperir mwy o ganllawiau ar pryd nad yw'r ardoll yn berthnasol yn nes ymlaen.   

Dyma faint y byddwch yn ei dalu i Awdurdod Cyllid Cymru:   

• 75 ceiniog y pen y noson ar gyfer lleiniau gwersylla neu ystafelloedd a rennir (fel hosteli) 
• £1.30 y pen y noson ar gyfer pob math arall o lety ymwelwyr  

O 2027 ymlaen, bydd y darparwr llety ymwelwyr yn:     

• gyfrifol am dalu'r ardoll 
• gallu defnyddio gwasanaeth ar-lein Awdurdod Cyllid Cymru i ffeilio ffurflenni a thalu'r ardoll

Cofrestru llety ymwelwyr:  

• yn dechrau hydref 2026 
• yn berthnasol i lety ymwelwyr yng Nghymru, hyd yn oed os nad oes angen iddynt dalu'r ardoll   

Darganfyddwch fwy am gofrestru eich llety ymwelwyr. 

Bydd yr Ardoll Ymwelwyr: 

• ond yn berthnasol i ardaloedd lle mae'r cyngor lleol yn ei chyflwyno
• yn dechrau o 1 Ebrill 2027 ar y cynharaf

Mae trwyddedu llety ymwelwyr:   

• yn ffordd o ddangos bod llety yn bodloni safonau penodol 
• yn cael ei gynllunio

Nid oes angen trwyddedu llety ymwelwyr ar hyn o bryd.  

Darganfyddwch fwy am gynlluniau ar gyfer trwyddedu llety ymwelwyr.  

I gael cymorth gyda'r Ardoll Ymwelwyr, cysylltwch ag Awdurdod Cyllid Cymru.