Yn y canllaw hwn
1. Beth yw’r Ardoll Ymwelwyr
Mae'r Ardoll Ymwelwyr yn dreth sy’n cael ei hunanasesu yng Nghymru.
Caiff ei dalu gan ddarparwyr llety ymwelwyr.
O fis Hydref 2026, rhaid i chi gofrestru eich llety ymwelwyr.
Rhaid i chi gofrestru erbyn 31 Mawrth 2027. Hyd yn oed os nad yw'ch cyngor lleol yn codi Ardoll Ymwelwyr.
Dechrau’r ardoll
Mae cynghorau lleol yn dewis a ydyn nhw am gyflwyno’r ardoll neu beidio.
Gallant wneud hyn ar 1 Ebrill neu 1 Hydref bob blwyddyn.
Rhaid i gynghorau lleol:
- ymgynghori â phobl a busnesau lleol
- cyhoeddi'r ardoll flwyddyn ymlaen llaw
Gallwch edrych i weld pa gynghorau sy'n codi'r ardoll.
Casglu'r ardoll
Mae Awdurdod Cyllid Cymru yn casglu'r ardoll ar ran cynghorau lleol.
Defnyddio arian yr ardoll
Gall cynghorau ddefnyddio'r ardoll i wneud y canlynol:
- gwella twristiaeth leol
- gwarchod natur a thirnodau
- hyrwyddo'r Gymraeg