Mae ‘Beth yw’r Gymraeg am…?’ yn gwestiwn rydyn ni’n ei glywed yn aml. Ar y radio neu ar y teledu, yn yr ystafell ddosbarth, ar y cyfryngau cymdeithasol neu yn y gweithle – mae cwestiynau am eiriau Cymraeg yn gyffredin iawn. 

Mewn gwirionedd, mae’n debygol bod yr ateb eisoes ar gael mewn geiriadur neu gronfa derminoleg, a hynny’n hawdd ar-lein neu drwy apiau.

Felly, beth bynnag yw’ch gallu – p’un a ydych chi’n helpu’ch plentyn gyda’i waith cartref, yn dysgu Cymraeg, yn defnyddio’r Gymraeg yn y gwaith, neu eisiau gwybod beth yw’r Gymraeg am air Saesneg neu’r Saesneg am air Cymraeg - dyma’r lle perffaith i ddechrau.