Register your visitor accommodation in Wales

Mae'r gyfraith wedi newid os ydych yn cymryd archebion am arosiadau dros nos 

Rhaid i chi gofrestru eich llety ymwelwyr gydag Awdurdod Cyllid Cymru erbyn 31 Mawrth 2027. Bydd cofrestru'n agor ar 1 Hydref 2026. 

Mae cofrestru’n berthnasol i bob darparwr llety ymwelwyr, gan gynnwys:

• gwesteiwyr achlysurol sy’n rhentu ystafell sbâr o bryd i'w gilydd 
• darparwyr proffesiynol sy'n cynnig llety drwy gydol y flwyddyn

Rhaid i chi gofrestru hyd yn oed os nad yw eich cyngor wedi cyflwyno’r Ardoll Ymwelwyr.

Mae cofrestru ar agor mewn gwasanaeth beta cyhoeddus

Dyma fersiwn gynnar o'r gwasanaeth sydd ar gael i bawb.

Rydym yn dal i wella'r gwasanaeth yn seiliedig ar eich adborth chi. 

Byddwn yn ychwanegu nodweddion sy'n eich galluogi i wneud y canlynol:

• diweddaru eich manylion
• ychwanegu defnyddwyr eraill 

Cofrestrwch i gael diweddariadau os hoffech wybod pryd fydd y nodweddion hyn ar gael.

Dadgofrestru

Gallwch nawr ddadgofrestru gan ddefnyddio ein gwasanaeth ar-lein. Os byddwch yn rhoi'r gorau i ddarparu llety i ymwelwyr ar ôl cofrestru, rhaid i chi ddadgofrestru o fewn 30 diwrnod.

Pwy sy'n gorfod cofrestru 

Rhaid i chi gofrestru os yw'r canlynol yn berthnasol: 

• rydych yn cymryd archebion ar gyfer llety dros nos mewn llety ymwelwyr yng Nghymru (boed hynny am un noson, yn dymhorol neu drwy gydol y flwyddyn) 
• chi sy’n gyfrifol am y llety (er enghraifft, rydych chi’n berchen arno neu'n ei rentu) 
• mae unrhyw archebion rydych yn eu cymryd am 31 noson neu lai

Er mwyn cofrestru 

Bydd angen i chi fewngofnodi gan ddefnyddio One Login GOV.UK. 

Pan fyddwch yn cofrestru, bydd angen i chi roi:  

• manylion cyswllt, fel er enghraifft:  
  • enw 
  • cyfeiriad 
  • rhif ffôn 
  • dyddiad geni
  • e-bost 
• cwmni neu rif elusen (os yn berthnasol) 
• enw masnachu (os yn berthnasol)
• cyfeiriad y llety
• enw'r llety (os yn berthnasol)
• y mathau o lety rydych yn eu cynnig
• pa bryd mae eich llety ar agor ar gyfer archebion fel arfer
• nifer yr ystafelloedd neu unedau sydd ar gael i’w harchebu
• faint o bobl sy’n gallu aros yno