Cofrestru llety ymwelwyr: rhagarweiniad

Mae cofrestru llety ymwelwyr yn agor yn ystod hydref 2026. Mae’n rhaid i chi gofrestru gydag Awdurdod Cyllid Cymru (ACC) yn ôl y gyfraith os ydych yn derbyn archebion am arosiadau dros nos yng Nghymru.

Bydd cofrestru yn:

• helpu ymwelwyr yn dod o hyd i lety cofrestredig
• eich helpu chi i gasglu a  thalu'r ardoll ymwelwyr (os yw eich cyngor lleol yn ei chyflwyno)
• darparu data i gefnogi twristiaeth yng Nghymru

Os nad ydych chi'n cofrestru:  

• gallwch orfod talu cosbau 
• ni fyddwch yn bodloni eich gofynion ardoll ymwelwyr (os bydd eich cyngor lleol yn ei chyflwyno), a gall hyn arwain at gosbau

Gallwch gofrestru i gael diweddariadau am gofrestru ac am yr ardoll ymwelwyr.  

Rhaid i chi gofrestru yn ôl y gyfraith os yw'r ddau yma’n berthnasol: 

• rydych chi'n derbyn archebion am arhosiad dros nos yng Nghymru
• mae unrhyw un o'r archebion ar gyfer 31 noson neu lai

Mae hyn yn cynnwys:  

• llety hunanarlwyo a mewn cartrefi, gan gynnwys ar Airbnb neu debyg 
• gwestai, tai llety neu wely a brecwast 
• safleoedd neu leiniau gwersylla 
• hosteli neu dai bync 
• carafannau, chalets, cabanau, cytiau bugail neu glampio 
• llety dros dro ar gyfer digwyddiadau, gan gynnwys gwyliau  

Mae cofrestru llety ymwelwyr yn agor yn ystod hydref 2026.  

Mae angen i chi:  

• roi eich manylion cyswllt  
• rhoi gwybodaeth am eich llety

Gallwch gofrestru i gael diweddariadau am gofrestru ac am yr ardoll ymwelwyr.  

Cofrestru llety ymwelwyr:  

• yn dechrau hydref 2026 
• yn berthnasol i bob llety ymwelwyr 
• yn berthnasol hyd yn oed os nad yw'r cyngor lleol yn cyflwyno'r ardoll ymwelwyr  

Bydd yr ardoll ymwelwyr:  

• ond yn berthnasol i ardaloedd lle mae'r cyngor lleol yn ei chyflwyno
• yn dechrau o 1 Ebrill 2027 ar y cynharaf

Darganfyddwch fwy am yr ardoll ymwelwyr  

Mae trwyddedu llety ymwelwyr:   

• yn ffordd o ddangos bod llety yn bodloni safonau penodol
• yn cael ei gynllunio

Nid oes angen trwyddedu llety ymwelwyr ar hyn o bryd.

Darganfyddwch fwy am gynlluniau ar gyfer trwyddedu llety ymwelwyr.  

I gael cymorth gyda chofrestru llety ymwelwyr, cysylltwch ag Awdurdod Cyllid Cymru.