Gwiriwch pa fanylion fydd i'w gweld ar y gofrestr gyhoeddus o lety ymwelwyr yng Nghymru.
Cynnwys
Cofrestru llety ymwelwyr
Bydd rhaid i ddarparwyr llety ymwelwyr yng Nghymru gofrestru gydag Awdurdod Cyllid Cymru erbyn 31 Mawrth 2027.
Ar ôl i ddarparwr gofrestru, bydd rhywfaint o’u manylion yn cael eu cyhoeddi.
Chwilio’r gofrestr gyhoeddus
Mae hyn yn golygu y gall unrhyw un wirio a yw darparwr yn cynnig llety ymwelwyr yng Nghymru.
Manylion cyhoeddus ar y gofrestr
Bydd rhywfaint o fanylion llety ymwelwyr ar gael yn gyhoeddus ar y gofrestr. Mae hyn yn golygu y gall unrhyw un chwilio amdanyn nhw a'u gweld.
Manylion y darparwr llety
O ran darparwyr, mae'r gofrestr llety ymwelwyr yn dangos:
- rhif cofrestru
- rhif cwmni neu elusen
- enw'r cwmni neu'r darparwr
- enw masnachu neu hysbysebu
- cyfeiriad busnes
Manylion llety
O ran llety, mae'r gofrestr llety ymwelwyr yn dangos:
- enw
- cyfeiriad
- math (er enghraifft, gwesty neu lety hunanarlwyo)
- pryd mae ar gael i’w archebu
- nifer o ystafelloedd neu leoedd
- y nifer mwyaf o westeion sy’n gallu aros yno
Manylion nad ydynt ar y gofrestr gyhoeddus
Nid yw'r gofrestr gyhoeddus yn dangos y manylion canlynol am y darparwr:
- dyddiad geni
- rhif ffôn
- cyfeiriad e-bost
Sut allwch chi gael cymorth
Os oes gennych unrhyw gwestiynau am y gofrestr gyhoeddus, cysylltwch ag Awdurdod Cyllid Cymru.