Yn y canllaw hwn
4. Myfyrwyr cwrs meistr ôl-radd a doethuriaeth
Ers mis Awst 2019, mae ôl-raddedigion cymwys sy'n dilyn cwrs meistr wedi gallu cael cymorth ar ffurf cyfuniad o grantiau a benthyciadau, ac yn cyfrannu at gostau cyffredinol, yn hytrach nag ar gyfer ffioedd a chynhaliaeth yn benodol. Mae Grantiau i Fyfyrwyr Anabl hefyd ar gael i’ch cefnogi tra byddwch yn astudio eich cwrs ôl-radd. Dysgwch fwy.
Mae’r ffigurau yn y tablau yn rhai enghreifftiol.
| Incwm | Grant | Benthyciad | Cyfanswm |
|---|---|---|---|
| £18,370 | £6,885 | £11,885 | £18,770 |
| £20,000 | £6,651 | £12,119 | £18,770 |
| £25,000 | £5,930 | £12,840 | £18,770 |
| £30,000 | £5,209 | £13,561 | £18,770 |
| £35,000 | £4,488 | £14,282 | £18,770 |
| £40,000 | £3,767 | £15,003 | £18,770 |
| £45,000 | £3,047 | £15,723 | £18,770 |
| £50,000 | £2,326 | £16,444 | £18,770 |
| £55,000 | £1,605 | £17,165 | £18,770 |
| £59,200 neu fwy | £1,000 | £17,770 | £18,770 |
Mae swm y grant wedi’i ostwng £1 am bob £6.937 ychwanegol o incwm dros £18,370. Mae myfyrwyr sy'n astudio'n rhan-amser yn cael yr un cyfanswm o gymorth â myfyrwyr amser llawn, ond telir cymorth ar sail pro rata dros gyfnod y cwrs.
Mae bwrsarïau Meistr newydd wedi bod ar gael i raddedigion sy’n astudio ar gyfer gradd Meistr yng Nghymru ers blwyddyn academaidd 2019 i 2020. Mae bwrsariaethau meistr ar gael ar gyfer blwyddyn academaidd 2023 i 2024:
- Bwrsariaeth gwerth £4,000 i bobl dros 60 oed. Nod y grant yw darparu cymorth ychwanegol i fyfyrwyr dros 60 oed, nad ydynt ar hyn o bryd yn gallu cael yr un cymorth ariannol â myfyrwyr iau oherwydd cyfyngiadau Trysorlys ei Mawrhydi.
- Bwrsariaeth o £2,000 i raddedigion o bob oed sy'n astudio gradd Meistr mewn Gwyddoniaeth, Technoleg, Peirianneg, Mathemateg neu Feddygaeth, y cyfeirir atynt yn aml fel pynciau 'STEMM'.
- Bwrsariaeth gwerth £1,000 i astudio drwy gyfrwng y Gymraeg. Mae'r fwrsariaeth yn ceisio parhau i ddatblygu'r gweithlu sy'n siarad Cymraeg, a helpu i gyrraedd ein targed o filiwn o siaradwyr Cymraeg erbyn 2050.
I gael rhagor o wybodaeth am bwy sy’n gymwys am y bwrsarïau hyn a sut i wneud cais cysylltwch â’ch pbrifysgol yng Nghymru.
Ydych chi’n dechrau cwrs Doethuriaeth ôl-radd amser llawn neu ran-amser (fel PhD) gallwch wneud cais am Fenthyciad Doethuriaeth Ôl-radd o hyd at £28,395. Gall hyn helpu gyda ffioedd cyrsiau a chostau byw tra byddwch chi’n astudio.
Bydd rhagor o wybodaeth ar gael am gymorth ychwanegol ar wefan Cyllid Myfyrwyr Cymru.
Mae'r holl ffigurau yn ddarostyngedig i reoliadau.