Cynllun cyflawni strategol datgarboneiddio GIG Cymru 2025 i 2030 - Rhan 5: Llywodraethu a gweithredu'r rhaglen
Ein cynllun i leihau effaith amgylcheddol GIG Cymru a chefnogi uchelgais Llywodraeth Cymru ar gyfer sero net yn y sector cyhoeddus.
Efallai na fydd y ffeil hon yn gyfan gwbl hygyrch.
Ar y dudalen hon
1: Targedu cymorth ariannol ar gyfer mentrau datgarboneiddio effaith uchel
1a: Ymgynghori, cwmpasu, dylunio a lansio ffrwd ariannu datgarboneiddio bwrpasol i olynu'r Gronfa Ystadau wedi'i Thargedu (TEF) cyn iddi ddod i ben yn 2027
Perchnogion arfaethedig: Llywodraeth Cymru; NWSSP SES (Gwasanaeth Ystadau Arbennig Partneriaeth Cydwasanaethau GIG Cymru).
Gweithredu erbyn: Rhagfyr 2026.
1b: Ymgorffori mecanwaith strwythuredig o fewn prosesau cynllunio gweithredol i gefnogi mentrau cynaliadwyedd amgylcheddol dan arweiniad staff
Perchnogion arfaethedig: pob sefydliad y GIG; SPPC (Rhaglen Strategol ar gyfer Gofal Sylfaenol).
Gweithredu erbyn: yn dibynnu ar amserlenni IMTP (Cynllun Tymor Canolig Integredig).
2: Goruchwylio gweithrediad y cynllun cyflawni strategol a sicrhau perthnasedd parhaus
2a: Mewn ymgynghoriad â sefydliadau'r GIG, bydd Llywodraeth Cymru yn adolygu llwyddiant gweithredu'r cynllun cyflawni strategol ac yn rhoi diweddariad
Perchnogion arfaethedig: Llywodraeth Cymru.
Gweithredu erbyn: Rhagfyr 2027.
3: Meithrin gweithlu o staff sy'n hinsawdd-ddeallus, ac sy'n teimlo eu bod wedi'u grymuso i hyrwyddo arferion cynaliadwy a mynd i'r afael â'r argyfwng hinsawdd drwy eu rolau
3a: Creu strategaeth cynllun datblygu hinsawdd-ddeallus sy'n amlinellu sut y gellir integreiddio egwyddorion cynaliadwyedd amgylcheddol ar draws pob ffrwd gwaith ar gyfer pob grŵp staff
Perchnogion arfaethedig: grŵp hinsawdd-ddeallus; AaGIC (Addysg a Gwella Iechyd Cymru).
Gweithredu erbyn: Rhagfyr 2026.
3b: Sefydlu sianel gyfathrebu ac ymgysylltu cynaliadwyedd amgylcheddol Cymru gyfan; yn ogystal, archwilio a gweithredu cyfleoedd i ymgysylltu ymwelwyr a chleifion mewn ymdrechion cynaliadwyedd amgylcheddol
Perchnogion arfaethedig: grŵp hinsawdd-ddeallus.
Gweithredu erbyn: Mai 2026.
3c: Creu dull cyfathrebu sefydliadol, neu gynllun, i gynnal cefnogaeth ac adeiladu momentwm ar gyfer gweithredu ar hinsawdd
Perchnogion arfaethedig: pob sefydliad y GIG.
Gweithredu erbyn: adroddiad blynyddol.
3d: Datblygu strategaeth gweithlu i gefnogi cyflawniad ‘Darparu gofal iechyd cynaliadwy: datganiad o’r sefyllfa’
Perchnogion arfaethedig: pob sefydliad y GIG.
Gweithredu erbyn: Rhagfyr 2026.
4: Sefydlu dull cenedlaethol i gyflymu lledaeniad a graddfa arferion cynaliadwy ar draws GIG Cymru
4a: Datblygu offeryn gwerthuso safonol i asesu, olrhain ac adrodd ar yr effaith glinigol, amgylcheddol ac economaidd arloesi, gan alluogi gwaith gwerthuso a chymharu cyson ar draws GIG Cymru
Perchnogion arfaethedig: NWSSP (Partneriaeth Cydwasanaethau GIG Cymru), Perfformiad a Gwelliant y GIG, Llywodraeth Cymru.
Gweithredu erbyn: Medi 2026.
4b: Creu dull neu gynllun cyfathrebu i gynnal cymorth ac adeiladu momentwm ar gyfer gweithredu ar hinsawdd; olrhain cyrhaeddiad a llwyddiant wrth i weithgareddau cyfathrebu fynd rhagddynt
Perchnogion arfaethedig: pob sefydliad y GIG.
Gweithredu erbyn: adroddiad blynyddol.
4c: Creu storfa genedlaethol o brosiectau peilot wedi'u gwerthuso, gan gynnwys data effaith carbon, mewnwelediadau gweithredu, a statws mabwysiadu, i gefnogi dysgu ar y cyd a thryloywder
Perchnogion arfaethedig: NWSSP, Perfformiad a Gwelliant y GIG, Llywodraeth Cymru.
Gweithredu erbyn: Ionawr 2027.