Talu costau’r Ardoll Ymwelwyr ac ad-dalu eich gwesteion

Gallwch dalu costau’r ardoll drwy:

• eu hamsugno
• codi eich prisiau
• codi ffioedd ardoll

Os ydych chi'n amsugno’r ardoll, rydych yn gwneud y canlynol:

• cadw’r un prisiau
• ddim yn ychwanegu unrhyw ffioedd ardoll

Ond byddwch dal yn gyfrifol am dalu'r ardoll.

Gallwch godi eich prisiau er mwyn talu'r ardoll y mae'n rhaid i chi ei thalu.

Rhoi gwybod i westeion yn gynnar

Dylech newid eich hysbysebion i ddangos eich bod yn codi ffioedd ardoll.

Dangos ffioedd ardoll

Dylai eich archebion ddangos:

• y ffioedd ardoll ychwanegol
• pris yr arhosiad
• cyfanswm pris yr archeb

Gofyn i'ch ymwelwyr dalu

Gallwch ofyn i'ch gwesteion dalu'r ardoll ar unrhyw adeg. 

Er enghraifft, pan fyddan nhw’n:

• archebu’r arhosiad
• cyrraedd y llety
• gadael y llety

Ad-dalu eich gwesteion

Pryd ddylech chi ad-dalu'ch gwesteion

Os ydych chi'n codi'r ardoll ymlaen llaw, dylech ad-dalu eich ymwelwyr yn yr achosion canlynol:

• maen nhw’n canslo eu harcheb
• dydyn nhw ddim yn ymddangos

Pryd i beidio ag ad-dalu'ch gwesteion

Os yw'r arhosiad wedi digwydd, nid oes rhaid i chi ad-dalu eich gwesteion.

Gall gwesteion hawlio ad-daliadau gan Awdurdod Cyllid Cymru os yw un o’r canlynol yn berthnasol:

• maen nhw’n gofalu am berson anabl
• maen nhw’n ddigartref dros dro yn ystod yr arhosiad
• maen nhw’n aros am resymau iechyd neu ddiogelwch

Defnyddio llwyfannau archebu

Gallai eich platfform archebu, er enghraifft Airbnb neu Booking.com, eich helpu i ychwanegu ffioedd ardoll ar eich archebion. Holwch nhw am ragor o fanylion.

Mae'r ardoll yn cyfrif tuag at eich trosiant trethadwy at ddibenion TAW. 

Darllenwch ein canllawiau ar gymhwyso TAW i’r Ardoll Ymwelwyr.

Cysylltu ag Awdurdod Cyllid Cymru am gymorth ynglŷn â ffurflenni a thaliadau Ardoll Ymwelwyr.