Yn y canllaw hwn
2. Pwy sy'n gymwys
Gwiriwch a ydych yn gymwys i gael gwelliannau effeithlonrwydd ynni i'r cartref am ddim gan Nyth.
Gallech fod yn gymwys i gael gwelliannau effeithlonrwydd ynni i'r cartref am ddim os ydych yn bodloni'r 3 amod isod:
- rydych yn berchen ar eich cartref neu'n ei rentu drwy drefniant preifat (nid drwy awdurdod lleol neu gymdeithas dai)
- rydych yn derbyn budd-dal sy'n destun prawf modd neu rydych yn byw mewn aelwyd incwm isel
- mae gan eich cartref sgôr ased o 54 (EPC E) neu lai; neu sgôr asedau o 68 (EPC D) neu lai lle mae gennych chi neu aelod o'ch aelwyd gyflwr cronig o ran anadlu, cylchrediad y gwaed neu gyflwr iechyd meddwl
Gwiriwch eich sgôr EPC ar GOV.UK neu cysylltwch â ni a byddwn yn eich helpu.
Budd-daliadau sy'n destun prawf modd
Y budd-daliadau sy'n destun prawf modd sy'n gymwys yw:
- Credyd Treth Plant (incwm o dan £18,660 y flwyddyn)
- Cynllun Gostyngiadau'r Dreth Gyngor (nid yw gostyngiadau a disgowntiau yn gymwys ar eu pen eu hunain)
- Budd-dal Tai
- Lwfans Ceisio Gwaith yn Seiliedig ar Incwm
- Lwfans Cyflogaeth a Chymorth yn Seiliedig ar Incwm
- Cymhorthdal Incwm
- Credyd Pensiwn
- Credyd Cynhwysol
- Credyd Treth Gwaith (incwm o dan £18,660 y flwyddyn)
Aelwyd sydd ar incwm is
Mae aelwyd ag incwm sy'n is na 60% o'r cyfartaledd canolrifol yn cael ei ystyried yn aelwyd incwm is ar gyfer y cynllun hwn. Ni fyddwn yn cyfrif unrhyw daliadau neu fudd-daliadau sy'n gysylltiedig ag anabledd fel incwm.
Bydd eich trothwy yn dibynnu ar oedran a nifer y bobl yn eich aelwyd. Mae tabl 1 i 3 yn dangos enghreifftiau.
Tabl 1: Trothwyon incwm ar gyfer cwpl gyda phlant neu heb blant
Math o aelwyd | Trothwy wythnosol | Trothwy misol | Trothwy blynyddol |
---|---|---|---|
Cwpwl heb plant | £373 | £1,615 | £19,383 |
Cwpl gydag un plentyn dan 14 oed | £447 | £1,938
| £23,259 |
Cwpl gydag un plentyn 14 oed neu drosodd | £496 | £2,148 | £25,779 |
Cwpl gyda dau o blant dan 14 oed | £522 | £2,261 | £27,136 |
Cwpl gyda dau o blant 14 oed neu drosodd | £619 | £2,681 | £32,176 |
Tabl 2: Trothwyon incwm ar gyfer oedolyn sengl gyda phlant neu heb blant
Math o aelwyd | Trothwy wythnosol | Trothwy misol | Trothwy blynyddol |
---|---|---|---|
Aelwyd 1 oedolyn heb plant | £250 | £1,082 | £12,987 |
1 oedolyn gydag un plentyn o dan 14 oed | £324 | £1,405 | £16,863 |
1 oedolyn gydag un plentyn 14 oed neu drosodd | £373 | £1,615 | £19,383 |
1 oedolyn gyda dau o blant o dan 14 oed | £399 | £1,728 | £20,740 |
1 oedolyn gyda dau o blant 14 oed neu drosodd | £496 | £2,148 | £25,779 |
Tabl 3: Trothwyon incwm ar gyfer oedolion sy’n cael y pensiwn y wladwriaeth
Math o aelwyd | Trothwy wythnosol | Trothwy misol | Trothwy blynyddol |
---|---|---|---|
Pensiynwr sengl | £250 | £1,082 | £12,987 |
Cwpwl sy'n bensiynwyr | £373 | £1,615 | £19,383 |
Os nad yw eich aelwyd wedi’i ddisgrifio yn y tablau yma, rhowch galwad i’n cynghorwyr os gwelwch yn dda, ar 0808 808 2244 (Dydd Llun i Ddydd Gwener rhwng 9am a 6pm).
Meini prawf cymhwystra iechyd
Os ydych yn byw mewn aelwyd EPC D mae'n rhaid i aelod o'r aelwyd fod yn byw gyda chyflwr iechyd cronig gan gynnwys:
- Clefyd anadlol (heintiau anadlol, broncoddarwasgiad yn gysylltiedig ag asthma a chlefyd rhwystrol cronig yr ysgyfaint)
- Clefyd cylchrediad y gwaed (gan gynnwys clefyd cardiofasgwlaidd, strôc a thrawiad ar y galon)
- Materion iechyd meddwl (gan gynnwys iselder, gorbryder, seicosis ac anhwylderau deubegynol, dementia, anhwylderau deallusol ac anhwylderau datblygu)