Dangosyddion Coetiroedd i Gymru: 2026

Prif bwyntiau

• Yn 2025 roedd gorchudd coetir yng Nghymru yn 313,000 hectar. Mae hyn yn cynnwys 174,000 hectar o lydanddail a 139,000 hectar o gonwydd. Mae hyn yn cynrychioli 15% o'r gorchudd tir. 
• Amcangyfrifir bod arwynebedd y coed y tu allan i goetir (TOW) yn seiliedig ar fapiau a gyhoeddwyd yn 2026 yn 147,500 hectar. 
• Rhagwelir y bydd tir coedwigoedd yn parhau’n ddalfa net ar gyfer allyriadau
• Yn 2023 roedd cyfanswm gwerth gwasanaethau ecosystem a ddarperir gan goetir yn fwy na £800 miliwn.
• Cyfanswm gwerth Ychwanegol Gros (GVA) y sector coedwigaeth oedd £718 miliwn.

Rhagor o wybodaeth

Mae dangosyddion CiG yn mesur ein cynnydd tuag at y canlyniadau lefel uchel a nodir yn strategaeth Coetiroedd i Gymru. Mae'r dangosyddion yn darparu sylfaen dystiolaeth ar gyfer natur bresennol coetiroedd a choed Cymru, a'r nwyddau a'r gwasanaethau y maent yn eu darparu, a sut mae hyn wedi newid dros amser.

Mae'r dangosyddion wedi'u nodi mewn 5 pennod sy'n adlewyrchu 5 pennod y strategaeth. Dyma nhw:

• Coetiroedd a choed Cymru
• ymateb i’r newid yn yr hinsawdd
• coetiroedd i bobl;
• sector coedwigaeth cystadleuol ac integredig;
• ansawdd yr amgylchedd

Mae pob dangosydd yn ymwneud â chanlyniad y strategaeth. Darperir ffynonellau data, tueddiadau a ddymunir ac a arsylwir, a gwybodaeth sylfaenol. Nid yw'r dangosyddion yn cael eu dosbarthu fel ystadegau swyddogol; fodd bynnag, rydym wedi cymhwyso'r cod ymarfer ar gyfer ystadegau yn wirfoddol. Gellir dod o hyd i ragor o wybodaeth am sut mae hyn wedi'i gymhwyso yn y datganiad o gymhwyso'r cod ystadegau yn wirfoddol.