Yn y canllaw hwn
3. Gwybod a oes rhaid i chi dalu
Darparwyr llety ymwelwyr sydd yn talu’r Ardoll Ymwelwyr yng Nghymru.
Pwy sy’n ddarparwr llety ymwelwyr.
Rydych chi'n ddarparwr llety ymwelwyr os ydych yn:
- berchen ar lety ymwelwyr neu yn lesio llety ymwelwyr
- cymryd archebion am arosiadau byrrach na 31 noson
Partneriaethau'n talu'r ardoll
Os ydych yn bartneriaeth:
- rydych oll yn gyfrifol am yr Ardoll Ymwelwyr, ond
- gallwch ddewis un ohonoch i ffeilio a thalu’r ardoll
Grwpiau gwirfoddol yn talu'r ardoll
Os ydych yn grŵp gwirfoddol (er enghraifft, clwb, cymdeithas, neu debyg):
- mae pob aelod reolwr yn gyfrifol am dalu'r ardoll, ond
- gall unrhyw un o'r aelodau hyn ffeilio a thalu'r ardoll
Defnyddio asiantau, gweithwyr, neu gynorthwywyr
Gallwch ofyn i rywun rydych chi'n ymddiried ynddo i helpu ffeilio a thalu eich ardoll.
Ond chi fydd yn gyfrifol am sicrhau eu bod yn gwneud hynny’n gywir ac yn brydlon.
Os byddwch yn rhoi'r gorau i ddarparu llety ymwelwyr
Byddwch yn rhoi'r gorau i ddarparu llety ymwelwyr:
- pan fyddwch yn rhoi’r gorau i hysbysebu eich llety
- pan nad ydych yn cymryd rhagor o archebion gan westeion
Ar ôl i chi roi’r gorau iddi, rhaid i chi gyflwyno eich ffurflen ar gyfer y cyfnod cyfrifyddu diwethaf.
Hyd yn oed os yw'n £0.