Yr Ardoll Ymwelwyr i ddarparwyr llety: canllaw cam wrth gam

Rhaid i chi gyfrifo symiau’r ardoll ar gyfer pob archeb.

I gyfrif faint o ardoll y mae'n rhaid i chi ei thalu fesul archeb:

1. cyfrwch nifer y gwesteion ar yr archeb
2. lluoswch hwnnw â nifer y nosweithiau y maen nhw wedi’u harchebu, ac yna
3. lluoswch hwnnw â chyfradd yr ardoll

Er enghraifft, petai 4 ymwelydd yn aros yn eich bwthyn am 7 noson:

• Cyfrifo nifer yr arosiadau dros nos.
• Lluosi 4 ymwelydd × 7 noson = 28 arhosiad dros nos.
• Lluoswch hwn â’r gyfradd ardoll berthnasol: 28 × £1.30 = £36.40.
• Rhaid i chi dalu ardoll o £36.40 am yr archeb.

Sut i gyfrifo’r ardoll ar gyfer arosiadau cyfradd is

Peidiwch â chynnwys plant o dan 18 oed pan fyddwch yn cyfrifo'r ardoll sy’n ddyledus ar gyfer arosiadau cyfradd is.

Er enghraifft, be bai teulu o 5 yn aros 3 noson mewn pabell yn eich llain gwersylla.

Mae pob un o’r plant dan 18 oed. Bydd angen i chi dynnu’r 3 plentyn o’r cyfanswm o 5 ymwelydd.

Felly ar gyfer 2 oedolyn yn aros 3 noson y bydd angen talu’r ardoll.

Mae'r gyfradd ardoll o 75 ceiniog y pen y noson yn berthnasol i leiniau ar gyfer pebyll.

Mae hyn yn golygu bod angen i chi luosi 2 ymwelydd × 3 noson × £0.75 = £4.50.

Rhaid i chi dalu ardoll o £4.50 ar gyfer yr archeb.