Yn y canllaw hwn
3. Addysg gynnar
Mae gan bob plentyn hawl i gael addysg gynnar (a elwir hefyd yn addysg feithrin) o’r tymor ar ôl eu trydydd pen-blwydd. Mae pob awdurdod lleol yn darparu o leiaf 10 awr yr wythnos o addysg gynnar, a gallai hyn fod mewn:
- ysgol leol
- cylch chwarae
- meithrinfa ddydd
- Cylch Meithrin
Yn ystod y tymor, bydd yr addysg gynnar hon yn rhan o 30 awr y Cynnig.
Yn ystod gwyliau'r ysgol pan nad oes addysg gynnar mae'r Cynnig yn darparu 30 awr yr wythnos o ofal plant am hyd at 9 wythnos o'r flwyddyn. Bydd angen i rieni ariannu’r 4 wythnos sy’n weddill eu hunain.
Dysgwch sut i wneud cais am oriau addysg gynnar gan eich Gwasanaeth Gwybodaeth i Deuluoedd lleol.