Yn y canllaw hwn
4. Sut i roi gwybod
Gallwch ddefnyddio’r dulliau canlynol i roi gwybod i’r BCMS am enedigaethau, symudiadau a marwolaethau:
- CTS Ar-lein
- defnyddio meddalwedd y fferm
Dim cyswllt â’r rhyngrwyd?
Os nad oes gennych gysylltiad â’r rhyngrwyd ar eich fferm, gallwch roi gwybod i’r BCMS am enedigaethau, symudiadau a marwolaethau trwy
- ffonio llinell CTS
- Cymraeg 0345 011 1213
- Saesneg 0345 011 1212
- gofyn i’ch asiant wneud hynny drosoch chi
Mae CTS Ar-lein a’r llinellau hunan-wasanaeth ar gael bob awr o’r dydd, bob dydd o’r flwyddyn. Amserau agor llinell gymorth y BCMS yw Llun – Gwener 9.30am-5pm. Mae hi ar gau dros y penwythnosau ac ar wyliau banc. Codir tâl galwad leol.
Meddalwedd y fferm
Gallwch ddefnyddio meddalwedd eich fferm i’ch helpu i:
- gadw cofnodion eich fferm yn gyfoes
- anfon gwybodaeth am enedigaethau, symudiadau a marwolaethau at y CTS ar amser sy’n gyfleus i chi
- anfon gwybodaeth mewn ffordd ddiogel a dibynadwy a chael cadarnhad ei bod wedi cyrraedd ac nad oes camgymeriadau yn yr wybodaeth.
Peidio â Rhoi Gwybod
Os na fyddwch wedi rhoi gwybod am enedigaeth, symudiad neu farwolaeth gwartheg o fewn yr amser statudol, byddwch yn euog o drosedd. Gallai hynny olygu:
- cosbi’r cymorthdaliadau rydych yn eu hawlio*, a/neu
- eich cael yn euog o drosedd.
Daw’r troseddau hyn i’r amlwg:
- wrth archwilio’ch gwartheg
- pan welir bod gwybodaeth anghywir wedi’i rhoi i’r CTS neu fod anifail wedi’i gofnodi fwy nag unwaith neu fod gwybodaeth ar goll
- pan ymchwilir i anghysonderau ym manylion symudiadau
*Bydd ceidwaid nad ydynt yn hawlio cymhorthdal yn cael eu harchwilio hefyd ac o’u cael yn euog o drosedd, gallent gael eu dirwyo a/neu eu carcharu.